Tank брендінің Hi4-T флагмандық түрленімі (гибрид) өзгеше дизайнымен ерекшеленеді. Ресми тұсаукесерден бірнеше күн бұрын жергілікті БАҚ жариялаған фотодан осыны аңғаруға болады. Марка Tank 700-ді 17 қарашада Гуанчжоу автосалонында таныстырады, модельдің интерьері мен техникалық сипаттамасы жайлы сол кезде белгілі болады.
Жаңа өнім Қазақстандағы 300 және 500 индексті «танкке» мүлде ұқсамайды: жол талғамайтын көліктің дизайн стилі Tank 400-ге келеді. Флагман үлкен ауа тартқышы бар алдыңғы бампер, капоттағы «танау», қырлы дөңгелек аркасы және сәл көлбеу төбе сызығымен ерекшеленеді. Төбеде аэродинамикалық екі элемент (алдыда спойлер, арт жақта антиқанат) қатар тұр.
Көліктің артқы бөлігінде ірі диффузор мен бесінші есіктегі қосалқы дөңгелек көзге түседі. Дөңгелек 22 дюймді. Tank 700-дің сырт пішіні Mansory ательесі ұсынған Mercedes-AMG G 63 дизайнын аздап еске салады. Жаңа өнім «Гелендвагеннен» де, Tank 500-ден де үлкен, ұзындығы — 5113 мм, дөңгелек базасы — үш метр.
Tank 700 Hi4-T 517 ат күші мен 750 Нм беретін екі мотормен (3 литрлік V6 және электромотор) жүреді. Демек жаңа өнім V6-ға негізделген алғашқы гибрид «Танк» атанып отыр, дәл осындай индексті Tank 500-ге 2 литрлік 4 цилиндрлі турбомотор орнатылған. «Жеті жүздіктің» таза бензинді (360 ат күші және 9 сатылы автомат) түрленімі бар, бірақ ол әлі саудаға шыққан жоқ. Ол экспортқа ғана шығады деген ақпарат бар, ал ішкі нарықта тек гибрид Tank сатылады.
Комментариев: 0