Automotive News Europe басылымының хабарлауынша, Lamborghini-дің бас директоры Стефан Винкельманн 2022 жыл компания дәстүрлі мотормен жабдықталған суперкар шығаратын соңғы жыл болатынын айтты. 2023 жылдан бастап plug-in гибридтері сериялы өндіріске енеді, ал 2025 жылы алғашқы электрлі суперкар жарық көреді.
Электромобиль шығару үшін Volkswagen концерні бір жарым миллиард еуро бөлді. Былтыр жазда таныстырылған Aventador LP 780-4 Ultimae түрленімі (суретте) марканың бензинді V12 қойылған соңғы моделі болады. 350 данасы ғана шығатын бұл модельдің агрегаты 780 ат күшіне ие, алғашқы жүздікті 2.8 секундта еңсереді, ал ең жоғары жылдамдығы 355 км/сағ болады.
Винкельманн Lamborghini машиналары 2021 жылы жақсы сатылғанын айтты. Бір жылда 8405 көлік иесін тапқан. Оның 60 %-ға жуығы 5021 данасы өткен Urus суперкроссовері.
Комментариев: 0