Өткен демалыста Беларусьте өткен Minsk ELECTRO — 2022 раллиінде Ұлттық ғылым академиясына қарасты Машинажасау институтының ғалымдары электрлі спорткар көрсетті. Ұйым 2016 жылдан бері Александр Лукашенконың тапсырмасымен электромобиль прототиптерін әзірлеумен айналысып жатыр. Біраз уақыт бұрын олар жүк көлігі, седан және пикапты таныстырған.
Модель Electric Roadster деп аталады. Жоба авторлары көліктің сырт пішініне де бас қатырмапты. ABW.by басылымы дизайнына баса мән берілмегенін жазды, өйткені негізгі мақсат — электромобильдерге қойылатын күштік құрылымды сынау.
Спорткар шыныпластик панельмен қапталған түтік тәрізді каркасқа негізделген. 109 ат күшіне ие электромотор литий-ионды батареядан қуат алады. Машинаның жүріс қоры 270 шақырымға жетеді. Ең жоғары жылдамдығы — 170 км, ал алғашқы жүздікті алты секундта алады.
Комментариев: 0