Батыс Қазақстанда автогаз қосымша тауармен сатылуда

Батыс Қазақстан облысындағы газ үшін кезек бірнеше аптадан бері жалғасуда, осы орайда жанармай бекеттері пайда жасап қалуды жөн көрген. «Уральская неделя» басылымы хабарлағандай, кейбір автогаз станциясы газ тапшылығының салдарынан жүргізушілерден кассадағы тауарды сатып алуды талап еткен. Мұндай «қосымша тауармен» газ сату схемасына басылымның видеооператоры тап болған. Сатушы 1000 теңгеге көк шай сатып алуды ұсынған. Журналистердің мәліметінше, кейбір станцияда ұзын-сонар кезекте тұрған жүргізушілерге шоколад, су және басқа да тауарлар сатқан. Олардың айтуынша бас тарту мүмкін емес.

Атырау мұнай өңдеу зауытының жөндеу жұмыстары аяқталмайынша өңірдегі газ тапшылығы қазанның аяғына дейін жалғасады деген болжам бар. Оралдың өзінде көгілдір отын шектеулі мөлшерде болса да, бар (күніне 180 тонна қажет болғанымен, қалаға 120 тонна жеткізіледі), ал облыстағы кейбір бекет жабылып қалған. Ұқсас жағдай Атырау облысында да болып жатыр.