Батыс Еуропа — Батыс Қытай тас жолында үш адам жан тапсырды

11 маусымда Шиелі ауданына қарасты Сұлутөбе ауылының маңында Hyundai Trajet пен Honda Accord қатысқан апат болды. Облыстық полиция жариялған суреттерден Hyundai Honda-ны артқы оң жақ есігінен соғып, жолдан шығарып жібергенін көруге болады.

Апат салдарынан үш адам оқиға орнында көз жұмып, екеуі ауруханаға түсті. Қылмыстық кодекстің 4-бөлімі 345-бабы (екі не одан да көп адам шығынына әкелген көлік апаты) бойынша сотқа дейінгі тергеу жұмыстары басталды. Оқиғаның мән-жайы анықталып жатыр. Апатқа кінәлі адам аман қалса, 5 жылдан 10 жылға дейін түрмеге қамалуы және 7 жылға көлік жүргізу құқығынан айырылуы мүмкін.