Батареялы BYD хот-хетчі жаз аяғында жарық көреді

BYD концерні Seal 06 GT деп аталатын жаңа электрокарының алғашқы суретін жариялады. Ол — биыл көктемде Бейжіңде көрсеткен Ocean-M концептісінің сериялы нұсқасы. Прототип хот-хетч болған, ал сериялы модель әлдеқайда қарапайым болады. Seal 06 GT 30 тамыздағы Чэнду автосалонында жарық көреді.

BYD Seal 06 GT концептісімен салыстырғанда бірқатар агрессивті деталінен айырылды. Мысалы, фотосуреттен ірі антиқанат жоқ екенін байқайсыз, сондай-ақ бампері мен табалдырығы өзгеше. Жарық техникасы жаңарған, ал салонда спорттық бөлшек жоқ.

1 / 5

• 
• 
• 
• 
• 

1 / 5

Бес есікті машинаның мотор гаммасы да хот-хетч имиджіне сәйкес келмейді. Базалық Seal 06 GT артқы осьтегі бір электромотормен (218 а.к.) жүреді. Үздік түрленімі 421 ат күшіне ие екі қозғалтқышпен жабдықталған. Жүріс қоры 505–605 км болады. Сондай-ақ былтыр шыққан бес есікті MG4 Xpower электрокары 435 ат күшін беретін күштік құрылыммен сатылып жатыр.

BYD спорттық имиджі бар хетчбэк әлемнің әр түкпіріндегі жастарға ұнайды деп сеніп отыр. Концерн электрокарды 150–200 мың юаньға (10–13.5 млн теңге) сатады.