Билік газ бағасын электр энергиясының арзандауы үшін төмендетпек ниетте. ҚР энергетика министрі Қанат Бозымбаевтың айтуынша, көтерме бағаны төмендету газ пайдаланатын электр станциялары үшін тауарлық газдың ақырғы құнын 2019 жылдың 1 қаңтарынан бастап аймаққа байланысты 6–15 %-ке төмендетуге мүмкіндік береді. Жанармай құю бекеттерінде сатылатын газдың бағасының да 6–15 %-ке төмендейтінін болжау аса қиын емес. Онда да сатушылардың тәбеті сәл бәсеңдесе, әрине. Себебі, қазір Қазақстанда бөлшек баға заңмен реттелмейді.
Естеріңізге сала кетейік, Энергетика министрлігі 2019 жылдың 1 қаңтарынан 31 наурызына дейінгі кезеңде Қазақстан Республикасының ішкі нарығына электронды сауда алаңдарынан тыс жеткізу жобасының аясында жүзеге асырылатын мұнай газының шекті бағасын қосымша құн салығынсыз тоннасына 31 000 теңге көлемінде бекітетін бұйрықты дайындауда. Қазіргі таңда газ көтерме бағамен тоннасына 38.701.67 теңгеге сатылып жатыр.
Комментариев: 0