Бар әлемдегі сияқты, Қазақстанда да кроссоверлер мен жол талғамайтын көліктер үлкен сұранысқа ие. 2018 жылдың алғашқы жарты жылдығында SUV сегментінің жаңа автокөліктер нарығындағы үлесі 43 %-ті құраған. Бұл 11 мыңнан аса сатылған көліктер, немесе 2017 жылдың алты айындағы сатылымнан 36,1%-ке жоғары көрсеткіш.
Егер маркалардың көрсеткіштеріне назар аударсақ, нарықтағы сөзсіз көшбасшы Toyota болып табылады: қаңтардан маусымға дейін 2.2 мың данасы сатылған. SUV сегментінде марка бірден бес үлгісін ұсынады. LADA дилерлері осы кезең аралығында 4×4 және XRAY-дің 1.9 мың данасын сатқан. Ресейлік марканы 1.8 мың автокөлік сатқан Hyundai өкшелеп келеді. Егер соңғысының нәтижелерін 2017 жылдағы көрсеткішпен салыстырсақ, бұл жылы 142.6 %-ке артқан.
Hyundai маркасының батыл өсімі үлгілер рейтингінде жақсы байқалады. Көшті әлі де LADA 4×4 бастап тұр, ал екінші орынға Hyundai Tucson орналасқан. Алты айдың ішінде дилерлер мыңнан аса кроссоверді клиенттер иелігіне өткізген, ал өткен жылы тек 286 данасы сатылған екен. Көшбасшылар үштігін Toyota Land Cruiser Prado түйіндеп тұр. ҚАБА (Қазақстандық автобизнес Ассоциациясы) жүргізген есеп бойынша, прадиктің сатылымы 86 %-ке өсіпті. Топ-10 тізіміне енген басқа «тойоталардың» сатылымы бәсеңдеген: RAV4 15 %-ке, ал TLC200 6.8 %-ке төмен.
2018 және 2017 жылдардағы 6 ай бойынша SUV сегментіндегі автокөліктер сатылымын салыстыру
| Орын | Үлгісі | 2018 жылғы сатылым | 2017 жылғы сатылым |
| 1 | LADA 4×4 | 1 499 | 1 257 |
| 2 | Hyundai Tucson | 1 025 | 286 |
| 3 | Toyota LC Prado | 902 | 485 |
| 4 | Hyundai Creta | 688 | 389 |
| 5 | Toyota RAV4 | 673 | 791 |
| 6 | Kia Sportage | 599 | 112 |
| 7 | Toyota Land Cruiser 200 | 481 | 516 |
| 8 | JAC S3 | 460 | 228 |
| 9 | LADA XRAY | 432 | 172 |
| 10 | Chevrolet Niva | 341 | 161 |
Комментариев: 0