Аз жүрген Land Cruiser пикабы 54.5 мың долларға өтті

Америкадағы танымал онлайн-аукцион FZJ75 зауыттық индексі бар ғажайып Toyota Land Cruiser-ді саудалады. Бұл — LC 70 негізінде жасалған 1997 жылғы пикап. Лоттың ерекшелігі оның 27 жылда бар болғаны 23 мың шақырым жүргенінде және саудаланған бағасында болды. Көлік 54.5 мың долларға өтті.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

75-інші өмірінің көп бөлігін БАӘ-де гаражда өткізген, ал 2022 жылы АҚШ-қа қоныс аударған. Иллинойс штатында тұратын сатушының айтуынша Land Cruiser көп жүрмеген. Жалпы жүрген жолдың 200 шақырымын қазіргі иесі жүрген.

Бір қатарлы кабинасы бар автомобиль жасына қарамастан тамаша жағдайда. Машина 4.5 литрлік бензинді 1FZ-F қозғалтқышымен, 5 сатылы механикалық қораппен және төмендеткіш берілісі бар толық жетек жүйесімен жабдықталған.

Land Cruiser сатылмай тұрып техникалық қызмет көрсетуден өткен, барлық техникалық сұйықтық пен сүзгі, жаңа помпа, бірқатар аспа компоненті, рөл демпфері, термостат, әртүрлі роликтер және т.б. ауысқан.

1 / 9

• 
• 
• 
• 
• 
• 
• 
• 
• 

1 / 9

Пикаптың жабдықтар тізімінде кондиционер, механикалық әйнек көтергіштер бар. Көліктің шатыры алынып, алдыңғы әйнегі ашылады.

Land Cruiser-дің соңғы бағасы 54.5 мың долларды құрады, бірақ сауданың басым бөлігінде қызығушылық аз болғандықтан бағасы әрең дегенде 35.2 мыңды құраған. Алайда соңғы күні автомобиль үшін күрес басталып, қызығушылық танытқандар соңғы бағаға он минуттан аз уақыт ішінде жетті.