Аз жүрген Land Cruiser 80 аукционға қатысады

АҚШ-тағы онлайн-аукциондардың бірінде 29 жыл бұрын шыққан Toyota Land Cruiser 80 саудаға түседі.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Сатушылар бұл автомобильдің тарихына тереңірек үңілмегенімен, көлік 1995 жылы Коста-Рикада сатылғанын және сол жерде бір адамның қолында болғанын атап өтті. Осы уақыт ішінде жол талғамайтын көлік шамамен 35.6 мың километр жүріп өткен, былтыр АҚШ-қа импорттаған қазіргі иесі тағы жүз километр қосқан. Қазір одометрі 35 690 шақырым көрсетіп тұр.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Қою жасыл түсті 7 орынды «сексенінші» модельдің іші-сырты керемет жағдайда. Дегенмен алдыңғы бамперде сызаттар бар.

TLC 80 4.5 литрлік алты цилиндрлі карбюраторлы 1FZ-F қозғалтқышымен жүреді. Мұндай агрегат жаңа кезінде 190 ат күші мен 363 Нм момент беретін. Қозғалтқыш 5 сатылы механикалық қораппен және 2 сатылы үлестірушісі бар толық жетек жүйесімен жұптасқан.

Аукцион аяқталуына бірнеше күн қалғанда бағасы 55 мың долларға (шамамен 24.4 млн теңге) жетті. Kolesa. kz сайтында Land Cruiser 80 жағдайына қарай 3–14.7 млн теңге аралығында сатылып жатыр.