Аз жүрген Land Cruiser 100 аукционға шықты

АҚШ-тағы танымал онлайн-аукциондардың бірінде 1998 жылдан бері тек бір адамның иелігінде болған Toyota Land Cruiser 100 пайда болды. «Жүздік» бар болғаны шамамен 7.1 мың миль немесе 11.4 мың шақырым жүрген.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Хабарландыруда автомобильдің тарихы туралы ақпарат жоқ. Көлік Калифорнияда гаражда сақталғаны және оны иесінің ұлы сатып жатқаны белгілі.

LC100 жағдайы өте жақсы, бірақ алдыңғы және артқы бамперінде сызаттар бар. Жасы келген Michelin LTX шиналарын ауыстыру қажет. Зауыттан шыққалы ауыспаған болса керек.

Desert Bronze Metallic түске боялған Land Cruiser 4.7 литрлік V8 2UZ-FE қозғалтқышымен жүреді. Мотор 231 ат күші мен 410 Нм момент береді. Ол 4 сатылы автоматпен және төмен беріліс пен бұғатталатын ортаңғы және артқы дифференциалдары бар тұрақты толық жетек жүйесімен жұптасқан.

Машина иесін таба алмады, қызығушылық танытқандар да аз болмады. Жол талғамайтын көлік белсенді саудаланды, соңғы баға 78.5 мың долларды құрады. Бұл АҚШ-тағы жаңа Land Cruiser 250 First Edition нұсқасынан (74 950 доллар) қымбат. Алайда сатушыға бұл баға ұнамады, сондықтан жақын арада бұл «жүздікті» осы немесе басқа аукционнан кездестіруге болады.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Kolesa.kz порталында ең қымбат Land Cruiser 100 үшін 18.5 млн теңгеге тұр, ал 105-інші модельдің құны 39.5 млн теңгеге дейін жетеді.