Тольяттиде әдеттегі Lada Vesta-ның ұзарған әрі үздік нұсқасы саналатын Lada Aura-ның сериялы өндірісі басталды. АВТОВАЗ флагманының бағасы да белгілі болды: «Аура» кем дегенде 2.6 млн рубль (13 млн теңге) тұрады. Стретч алдағы бірнеше жылда Волжский автозауытында шығатын жаңа өнімдердің алғашқысы болады.
Lada Aura топтамада премиум модель ретінде орналасады. Оның Vesta-дан басты айырмашылығы — ұзарған дөңгелек базасы, өзгеше аспа параметрі, жақсарған дыбыс изоляциясы және ерекше интерьер әрлеуі. Седан 122 ат күшіне ие 1.8 литрлік АВТОВАЗ моторы және қытайлық вариатор қораппен жұмыс істейді.
Сондай-ақ Тольяттиде Lada Vesta платформасына негізделген жаңа кроссовер сынақтан өтіп жатыр. Ол 2026 жылы жарық көреді, зауыт өкілдерінің айтуынша жаңа өнімнің дизайны дайын, оның сырт пішіні ескі Lada көліктерінен өзгеше болады. Кәсіпорын жаңа SUV осы сегменттегі брендтің позициясын жақсартады деп сеніп отыр. Бірақ модель толық жетекті болмайды.
«Лада» топтамасында толық жетек бұрынғыдай Niva Legend пен Niva Travel-де ғана болады, бірақ АВТОВАЗ жол талғамайтын көліктердің жаңа буынын шығармайды. Биыл жыл аяғында күштік құрылымы қуатты әрі аспасы жақсарған Niva Sport өндірісі басталады.
Ресейлік автогигант минивэн класына назар аударады деген ақпарат бар, Largus универсалының үлкен әрі кең нұсқасы саналатын модель жарық көруі мүмкін. Тольятти өкілдері бұл сегментке сұраныс көп деп санайды, қазір Ресейде бұл класта тек Қытайдың қымбат модельдері сатылып жатыр. Бұрын АВТОВАЗ нива агрегатымен жүретін ВАЗ-2120 «Надежда» көлігін шығаруға күш салған. Бірақ ол қадам сәтсіз болды. Соған қарамастан компания өз пикапын шығару ойынан да бас тартпайды.
Комментариев: 0