АВТОВАЗ жаңа бренд шығарады

2023 жылдың қорытындысына арналған баспасөз конференциясында АВТОВАЗ жаңа брендін таныстырды. Атауы белгісіз, бірақ мақсаты туралы ақпарат айтылды. Марканы лицензияланған автомобильдер үшін дайындап жатыр. Мұны дизайны өзгерген Қытай модельдері деп болжауға болады.

Деректерге сүйенсек, алғашқыда топтама C және D сегментіндегі екі модельден тұрады. Автомобильдің біреуі кроссовер, екіншісі non-SUV болады. Ол седан немесе лифтбек болуы мүмкін. Жаңа модель биыл шығады деп күтілуде.

Машина Nissan-ға тиесілі болған Санкт-Петербургтегі зауытта шығады. Бұл жерде АВТОВАЗ FAW Bestune T77 сияқты кроссоверлер құрастырып, Lada X-Cross 5 атауымен шығаруды ойластырған. Жобаның бір партиясы ғана жарық көрді. Қазіргі мәліметтер бойынша оны корпоративтік клиенттер алған, ал бір данасы АВТОВАЗ басшысы Максим Соколовта қалды.

Компания биылға арналған басқа да жоспарларын атап өтті. Бірінші тоқсанда 1.8 моторы бар Lada Vesta автомат қорабымен жабдықталып, бір жыл ішінде бұрынғы опцияларының бәрін қайтарып алады. Қыркүйекте АВТОВАЗ Lada Aura өндірісін іске қосады. Ижевскідегі зауыт Largus өндірісін көктемде қолға алады.