АВТОВАЗ «Вестаға» жаңа мультимедиа орнатады

«Нетипичный АВТОВАЗ» парақшасы хабарлағандай, Lada Vesta NG моделінің Luxe Techno деп аталатын үздік нұсқасы EnjoY Vision Pro мультимедиа жүйесімен жабдықталады, кешен құрамында тұнықтығы 960×1280 пиксель болатын TFT-IPS экраны бар. Экран виртуалды түрде негізгі және қосымша аймаққа бөлінеді. Ең төменде бөлімдерге жылдам ауысуға арналған навигация панелі тұрады.

Жүйе жылдамдық шегі, климат жүйесінің жұмысы, жылдамдыққа байланысты дыбыс деңгейін автоматты өзгерту, тұрақ көмекшісінің алгоритмін таңдау, динамикалық режимде картаны көрсету және т. б. қызметтерді қамтиды. Apple CarPlay мен Android Auto және өзге де онлайн қызметтерді пайдалану мақсатында интернетке кіру үшін смартфонды USB арқылы қосу керек немесе SIM-картасы бар LTE-модем қажет.

EnjoY Vision Pro жүйесінің жұмысына келер жылы Lada Vesta NG өндірісі қайта басталғаннан кейін ғана баға беруге болады.