АВТОВАЗ бөлшек тапшылығына байланысты мамырда конвейерлер толық жұмыс істей алмайтынын хабарлады. Зауыттың тұралап қалуына жол бермеу үшін концерн қызметкерлерін екі ай бұрын демалысқа жібереді. Ал Lada Vesta құрастыратын алаң біраз кідіре тұрады.
Мекеме өкілдері былтыр АВТОВАЗ санкция салдарынан елге жеткізу мүмкін болмаған 200-ден аса компонент пен материалды ауыстырғанын мәлімдеді. Алайда биыл наурызда әлі алмастырып үлгермеген компоненттерді жеткізушілер зауытпен серіктес болудан бас тартты. Автоөндіруші мұны келісімді бұзу деп санайды.
Мекеме басшыларының есебінше көктем аяғына қарай зауыт толыққанды жұмыс істей алмайды. Сондықтан 29 мамырда мамандар демалысқа шығады. Сол уақытта АВТОВАЗ шара қолданып, қажет компоненттерді жеткізу процесін реттеуге тырысады. 2023 жылы 401 мың автомобиль мен бөлшек шығару жоспарын өзгерткен жоқ.
Зауыттағы көлік құрастыратын алаңдардың бірі анағұрлым ерте жұмысын тоқтатады. «ВКонтакте» желісіндегі «Нетипичный АВТОВАЗ» парақшасына мәлімет бергендер бір ай бұрын ғана Lada Vesta NG шыға бастаған конвейерде кешкі кезекте жұмыс істейтін мамандарды 1 сәуірде демалысқа жіберу туралы бұйрыққа басшылар қол қойғанын айтыпты. Ресми түрде бұл бір айға созылады, алайда мерекеге байланысты олар тек 10 мамырда қайта іске кіріседі екен. Бұл кезеңде флагман өндірісі шамамен екі есе қысқарады.
«Веста» мамырда сатыла бастайды деп күткен едік, енді әліптің артын бағамыз. Қазір Тольятти седан, универсал (SW) және жол талғамайтын SW Cross құрастырып жатыр. Бағасы қанша болатыны белгісіз.
Комментариев: 0