Lada Niva Travel-ге арналған көлік құралының типін мақұлдау құжаты (машинаны заңды түрде шығару үшін бұл құжатты міндетті түрде алу керек) Росстандарт базасында жарияланды. Бұрынғы сертификаттың мерзімі 2023 жылғы 17 желтоқсанға дейін болатын, ал жаңа құжат 2024 жылдың шілдесіне дейін жарамды. Басқаша айтқанда, «шнива» кем дегенде әлі үш жыл шығарылады, үшінші буындағы «Нива» шыққанша модель Renault CMF-B платформасында жасалады.
Құжатта бұрынғы «Шевроле-Ниваның» өндірілетін орны «Лада Запад Тольятти» (бұрынғы GM-AvtoVAZ) деп қате көрсетілген секілді, өйткені жол талғамайтын көлік қазір АВТОВАЗ-дың негізгі конвейерінде құрастырылады. Ал Қазақстанда бұл модельді Қостанайдағы «СарыарқаАвтоПром» зауыты шығарады.
Құжатта өзгеріс болғанымен, машинаның техникалық жағы бұрынғыдай. Алдыңғы жағы RAV4 стилінде жасалған Lada Niva Travel аса қуатты емес, бірақ уақыт сынынан өткен 80 ат күшіне ие 1.7 литрлік бензинді мотормен ұсынылады. Агрегат 5 сатылы механикамен жұмыс істейді.
Көлік құралының типін мақұлдау құжатының мерзімі ұзартылуына орай, ВАЗ-2123 моделінің тарихын еске түсіре кетейік. 2024 жылы «Нива» 22 жасқа толады. Бұл көліктің дамуы мен өндіріске дайындық кезеңіне кеткен 9 жылды есептемегендегі көрсеткіш, өйткені Тольяттидегі зауыт модельдің жобасын 1993 жылы мақұлдаған.
Қазақстанда базалық (Classic) Lada Niva Travel 5.6 миллион теңге тұрады, ал ең үздік нұсқасының (Luxe) бағасы — 6.1 миллион теңге.
Комментариев: 0