АВТОВАЗ шетел нарығына қайта шығуға ниетті

АВТОВАЗ қолдан келгенше «лада» топтамасын толықтырып, оған Қытай модельдерін қосып шығарып жатыр. Ол енді шетелдегі бұрынғы нарықтарына оралуға тырысады.

Владивостокта өтіп жатқан Шығыс экономикалық форумында компанияның сыртқы байланыс және акционерлермен қатынас жөніндегі вице-президенті Сергей Громак көрші елдерге экспорт мөлшерін арттыруға ниетті екенін айтты.

«Бұрынғы нарықтарымызға экспорт көлемін ұлғайтуды жоспарлап отырмыз: басқаша айтқанда, Беларусь, Қазақстан қатарлы ТМД елдеріне», — деп келтірді топ-менеджердің сөзін ТАСС агенттігі. АВТОВАЗ Африкадағы өндірісті де қалпына келтіруге күш салып жатыр.

Громак компанияда инженер және арнайы қызметкерлер тапшы екенін айтты. Зауыттан дилерге автомобиль жеткізетін автотасығыш пен жүргізуші жетіспейді. Сондай-ақ Қазақстандағы тиісті заңнама талаптарын ұмытпаған жөн. Қазір Lada көліктерінде тұрақтандыру жүйесі жоқ, мұндай машинаны біздің елде тіркеуге болмайды.

Форум аясында биыл сегіз айда Ресейдегі Қытай көліктерінің үлесі былтырғы 20 %-дан 45 %-ға өскені белгілі болды. Бұл көрсеткіш жергілікті автоөндіріс үлесінен асып түсті.