АВТОВАЗ Lada Vesta NG-ді салондарға жөнелте бастады

Avtograd News басылымы Lada Vesta NG шығаратын конвейер іске қосылғанын және көлік жөнелте бастағанын хабарлады. Барлық темір тұлпар 90 ат күшіне ие 8 клапанды 1.6 литрлік қозғалтқышпен және 5 сатылы механикалық қораппен жабдықталған. Машиналар ақ және күміс түске боялады.

Барлық машинада ауа баптағыш, электрлі әйнек көтергіш, электрлі айна, «старт-стоп» батырмасы, артқы дискілі тежегіш бар. Дереккөз автокөлікте қытайлық Kesens шығарған ABS болады деп жазды.

Lada Vesta NG ESP-ден, тұманға қарсы шамнан қағылды және мультимедиа жүйесі жоқ. Зауыт бұларға балама іздеп жатқаны анық, бірақ қанша уақыт жұмсайтыны белгісіз. Ал 106 ат күшін беретін қуатты агрегат мотор гаммасына маусымда қайта қосылады.