АВТОВАЗ Lada Vesta-ға WanLiYang механикасын орнатады

Біраз уақыт бұрын екі педальді Lada Vesta жапониялық Jatco компаниясы шығарған вариатормен және АВТОВАЗ мамандары жасаған АМТ роботымен жабдықталатын. Автомобилистер екеуінің жұмысын қызу талқылап, жиі дауласушы еді. Енді ондай мүмкіндік болмайды.

«За рулём» басылымының бас редакторы Максим Кадаков рестайлингтен өткен «веста» WanLiYang (WLY) вариаторын алады деп хабарлады. Оның сөз етіп отырғаны — CVT18. Bosch сына белдігі бар, Jatco-ға ұқсайтын бұл қорапты Chery және Omoda модельдерінен көруге болады.

Концерн Қытай вариаторын орнатқан Lada Vesta NG-дің сынақ нұсқасын әлден өндіре бастады. Ал жалпы жолға шығатын модельдер 2024 жылдың бірінші тоқсанында конвейерге тұрады.

Дәл осы компания Vesta Sport-қа қоятын қорапты да шығарады. Келер жылы 5 сатылы Renault JR5-тің орнын 6 сатылы WLY механикасы басады. Ал 145 ат күшіне ие 1.8 литрлік ВАЗ-21179 моторы орнын сақтап қалды.