Lada Granta

АВТОВАЗ «Грантаны» үнсіз жаңартты

АВТОВАЗ сәуірде Lada Granta топтамасына аздаған өзгерістер енгізді.

Lada Online порталы хабарлағандай, «Грантаның» робот қорабы бар Comfort және Prestige жиынтықтарында тарту күшін қадағалайтын жүйе орнатылған, ал бұрында Comfort жиынтығында қолжетімді болған өрге қарай қозғалу барысында көмек беру жүйесі енді тек Luxe Prestige-де ғана болады.

Бұдан былай ең қымбат жиынтық түрлерінде климат-бақылау, круиз-бақылау және жиналмалы кілт болады. Сонымен қатар, Lada Granta-ның тұтандыру тетігі тек магнитолаға арналған жұмыс режимін иеленді.

Бағасында да өзгеріс байқалады. Ресейде бұл көліктер орта есеппен 1 000 рубльге (~6 000 теңге) қымбаттаған. Мұның біздегі «гранталарға» қалай әсер ететіні белгісіз, алайда бұл істің алты мың теңгемен шектелмесі анық.