АВТОВАЗ экспорты Қазақстан мен Өзбекстанға байланысты

Волжскідегі зауыт 2024 жылдан бастап Lada топтамасындағы көліктерді шетелге шығаруды жоспарлап отыр. Максим Соколов РИА «Новостиге» берген сұхбатында биыл АВТОВАЗ 10–15 мың машина экспорттады, ал келесі жылы бұл көрсеткішті 50 мыңға жеткізу керек деді.

«Біз енді-енді экспорттық бағдарламаларды қолға алып жатырмыз. Олар серіктестеріміздің мемлекеттік техникалық дайындығына байланысты жүзеге асады. Өзбекстан мен Қазақстанда зауыттарымыз бар. Олар дайын тұр, бірақ техникалық реттеу үшін мемлекеттік шаралар қабылдануы керек. (…) Шара қабылданса, көрсеткіш артуы мүмкін, әзірше 10 мыңмен тоқтап тұрмыз, келешекте шетелге көлік жеткізу 50 %-ке дейін көбейеді» — деді Соколов.

АВТОВАЗ басшысы айтқан мемлекеттік техникалық реттеу шаралары деген автоөндірушілерге экологиялық класы төмен, ABS және ESP сияқты бірқатар жүйеден арылған автомобиль шығаруға мүмкіндік беру сияқты. Бұндай шешім Ресейде былтыр күшіне енген, ал Қазақстанда Lada модельдерінің қазіргі түрленімін өндіру де, тіркеу де мүмкін емес.

2022 жылға дейін Республикада Lada өндірісімен Қостанайдағы «СарыарқаАвтоПром» айналысты.