АВТОВАЗ экспортқа ерекше ден қоя бастады

Өткен бейсенбіде Тәжікстан астанасында алғашқы Lada автосалоны ашылды деп жазды ТАСС. Бұған дейін дилердің уақытша алаңында тек Niva Legend 144 999 сомониге (~6.67 млн теңге) сатылса, жаңа шоурумнан басқа ВАЗ модельдерін алуға мүмкіндік бар. Мысалы, төрт есікті Granta-ның құны 99 999 сомониден (~4.6 млн теңге) басталса, Vesta седаны үшін 154 999 сомони (~7.13 млн теңге), ал Niva Travel үшін 159 999 сомони (~7.36 млн теңге) сұралады.

АВТОВАЗ Араб Әмірлігінде де белсенділік танытып, ресми Lada сайтын іске қосты. Маусымда компания басшысы Максим Соколов Әмірліктің брендке қызығушылығы болғанын айтқан. Сайттағы ақпаратқа сүйенсек, бренд бұл елге Lada топтамасын толығымен ұсынды. Оған екі «Нива», барлық «Веста», «Гранта» және «Ларгус» кіреді.

Бағалары да белгілі. Niva Legend-тің бастапқы құны — 67 мың дирхам (~8.94 млн теңге), Niva Travel — 81.7 мың дирхам (~10.9 млн теңге), ал Vesta седаны 88.7 мың дирхам (~11.84 млн теңге) тұрады. Яғни, бұл модельдердің бағасы өз еліндегіден бір жарым есе жоғары. «Автопоток» телеграм-каналы БАӘ автобизнесіндегі дереккөздерге сілтеме жасап хабарлағандай, брендтің бұл елдегі болашағы бұлыңғыр. Өйткені мұнда өлшемі Lada Vesta-мен шамалас Toyota Yaris седанының ең арзанын 64 000 дирхамға алуға болады.

Lada Қазақстан нарығына да оралады. Бұл туралы биыл шілдеде белгілі болды