Бұған дейін хабарланғанымыздай, компонент тапшылығына байланысты 23 тамыздан бастап АВТОВАЗ-да жұмыс тоқтады. Әлемдік автоөндірісті дағдарысқа ұшыратқан жартылай өткізгіш жетіспеушілігі ресейлік автоөндірушіге де оңай тиген жоқ.
Ресейлік БАҚ таратқан ақпаратқа сүйенсек, Тольяттидегі зауытта кем дегенде 6 қыркүйекке дейін жұмыс толық басталмайды. Тіпті келер аптаның өзінде іс жанданады деп сенімді түрде айта алмаймыз. Негізінен B0 платформасындағы модельдер (Lada Largus, XRAY, Renault Logan және Sandero) уақытша шығарылмайды. Ал Lada Granta-ны құрастыру 2 немесе 3 қыркүйекте басталады.
Жұмыстың тоқтауына бір ғана микросхема себеп болып отыр. Атап айтқанда, ABS жүйесінің жұмысына жауап беретін Bosch сезгегінің бөлігі тапшы. Компонент Малайзиядан жеткізіледі.
Комментариев: 0