АВТОВАЗ басшысы Қытай өнімдеріне қатысты ойын айтты

АВТОВАЗ президенті Максим Соколов Мемлекеттік думаның өнеркәсіп және сауда комитетінің Сараптама кеңесіндегі мәлімдемесінде қытайлық көліктердің экспансиясы туралы тақырыбын тағы да көтерді, деп хабарлады «Лада.Онлайн».

Соколовтың айтуынша қазір ішкі нарық шетелдік автоөндірушілерді Ресейге дайын көліктерді импорттаудан гөрі өндірісті дамытуға инвестиция жасауға ынталандыруға дайын емес. Агрессивті баға саясатын қолданатын Қытайдың автоөндірушілері Ресейде зауыт салғысы келмейді, бірақ дайын көліктерді әкелуді жөн көреді.

Қаржылай жағдай одан да қиын. АВТОВАЗ Ресей нарығының үштен бірін қамти отырып, қаржы жағынан 9 %-дан сәл астам үлесін басқарады. Бұл қалған 90 % қаражат шетелге кетеді деген сөз.

Топ-менеджердің айтуынша қазіргі жағдай дамуға ғана емес, орта мерзімді болашақта Ресей автомобиль өнеркәсібі мен құрамдық өнеркәсіптің тұрақты өмір сүруіне қауіп төндіреді. Ағымдағы тенденциялар сақталатын болса, отандық автоөндірушілер бір ауысымдық жұмыс режиміне мәжбүрлі түрде көшу салдарынан өндірісті 50 %-ға дейін қысқартуға мәжбүр болады, олар Ғылыми-зерттеу және тәжірибелік-конструкторлық жұмыстарды қаржыландыру және олардың өнімділігін дамыту мүмкін еместігіне байланысты тек төмен технологиялық ескірген өнімдерді шығарады.

Жиналыста ішкі нарықтағы клиенттерге ресейлік көліктер импорттық көліктерге қарағанда әрқашан арзан болу үшін утиль алым төлемдерін біртіндеп өсіруді енгізу туралы ұсыныс жасалды. Алым мөлшерін көтеру жеңіл көліктерге ғана емес, коммерциялық көліктерге, жүк көліктеріне, ауылшаруашылық, құрылыс және жол техникасына, автобустарға, электромобильдерге де әсер етуі мүмкін.