АВТОВАЗ ABS-сыз Lada Niva шығарды

30 наурызда АВТОВАЗ жұмысшылары Niva-ның 24 сәуірге дейін жалғасатын ұжымдық демалыс қарсаңындағы соңғы партиясын құрастырғанын Avtograd News хабарлады.

Соңғы үш күнде жасалған 510 жол талғамайтын көліктің арасында өзгеше 20 машина бар. Он Lada Niva Legend пен 10 Niva Travel-ге ABS блогы орнатылмады. Бұлар модельдің қарапайымдау нұсқасын сертификаттауға арналған.

ABS-сыз «Нива» Қазақстанға келе ме және оны қалай есепке қояды?

Автоматты тежеу жүйесі жоқ модельдер Қостанайдағы зауытта да жасалуы мүмкін. Жаңарған КҚТМ құжаты оларды «Қазақстан Республикасының автомобиль жолдарымен жүруге арналған автокөлік құралдарының жол берілетін параметрлерін бекіту туралы» № 342 бұйрық бойынша ABS болуы талап етілгеніне қарамастан тіркеуге мүмкіндік береді.