«Автотор» BAIC X55 моделін құрастыра бастады

Зауыт топтамасы қытайлық BAIC брендінің төртінші моделімен толықты. U5 Plus седаны, X35 кроссовері және жол талғамайтын BJ40 қатарына енді X55 қосылды. Зауыт мұны ресми мәлімдеді.

1 / 5

• 
• 
• 
• 
• 

1 / 5

BAIC X55-тің ұзындығы — 4620 мм, ені — 1886 мм, биіктігі — 1680 мм. Дөңгелек базасы 2735 мм-ге тең, ал жүксалғышының көлемі — 350 литр. Капот астында 188 ат күшіне ие 1.5 литрлік турбомотор тұр. Ол 7 сатылы роботпен жұмыс істейді. Барлық момент алдыңғы дөңгелектерге беріледі.

1 / 4

• 
• 
• 
• 

1 / 4

Компания кроссовердің комплектациясына қатысты нақты мәліметті кейін береді, дегенмен жақсы жабдықталатыны белгілі. Ең арзан X55-тің өзінен алты қауіпсіздік жастығын, кілтсіз ашу жүйесін, екі аймақты климат-бақылау, ортаңғы шынтақ тірегіште орналасқан салқындатқыш бокс және стандарт көмекшілер жинағын табасыз. Үстінен ақша қосып, шатыры панорамалы, айнала шолу жүйесі бар және көмекші электроникасы көбірек машина алуға болады.