FIM Ice Speedway Gladiators World Championship, 1-2 ақпан
1-2 ақпан күндері «Медеу» мұз айдынында FIM Ice Speedway Gladiators World Championship кезеңі өтеді. Жарыстық мотоциклмен жүйткитіндер өзара үздікті анықтау үшін мұз үстінде күш сынасады.
Сайыстың ашылу салтанаты сенбі күні сағат 12:30-ға жоспарланған, ал жарыс жарты сағаттан кейін басталады. Кіру билетінің құны 1 000 теңге. Жексенбі күнгі сайыс 13:00-де басталады.
«Самұрық» жарысының екінші кезеңі, Қарағанды, 9 ақпан
Ақпан айының басында Қарағандыда мұз үстіндегі жарыстар кезеңі бастау алады. Ралли-спринт бойынша өтетін дәстүрлі «Самұрық» қысқы кубогының екінші кезеңі Қарағанды маңындағы Саран қаласында, нақтырақ айтсақ су қоймасының мұз айдынында өтеді. Ол жерден стандартты автокөліктермен қатар ралийге арналған болидтерді де тамашалай аласыз. Басталуы 9 ақпан күні 10:00-ге жоспарланған.
«Снежный барс» ралли-спринті, Алматы, 8-9 ақпан
8-9 ақпан күндері Алматыда да жарыс өтеді. «Снежный барс» деп аталатын шара Комсомол ауылына жақын жердегі MobilEX СТК-нің аумағында өтеді. Сайыстың афишасы әлі жарияланған жоқ. Оның 15-16 ақпанға ауыстырылуы да мүмкін.
Автобиатлон бойынша ҚР Кубогының бірінші кезеңі, Алматы, 22-23 ақпан
22-23 ақпан күндері MobilEX СТК-інде автобиатлон бойынша ҚР Кубогының бірінші кезеңі өтеді. Қатысушылар көлікті жылдам жүргізіп, тапаншадан нысанаға оқ атудан жарысады. Бұл сайыстың да афишасы әлі жарияланбады.
SDS төртінші кезеңі, Нұр-Сұлтан, 23 ақпан
23 ақпан күні Нұр-Сұлтанда қысқы дрифт жарысының төртінші кезеңі өтеді. Қатысушылар шеберлігін Көкшетау тас жолындағы айналма жол маңындағы Стекляшка деп аталатын көлдің мұзында көрсетуі мүмкін. Басталу уақытын ұйымдастырушылар кейінірек хабарлайды.
Комментариев: 0