Айтарлықтай ірі (4 980×1 910×1 495 мм, базасы 2 920 мм) төрт есікті BYD Han жеңілдетілген модульдік шассиге негізделген.
Электромобильдің үш нұсқасы ұсынылады. Алдыңғы жетекті екеуі 330 Нм моментте 222 ат күшін беретін электрлі моторға ие екі батареялы (65 кВт/сағ және 77 кВт/сағ) машиналар. Бұлардың жүріс қоры 350 шақырымға жетеді. Ал толық жетекті үздік нұсқасының қосымша екі электрлі қозғалтқышы (272 а.к. және 350 Нм) бар.
Жоғары деңгейде жабдықталған салонында 12.3 дюймдік цифрлық аспаптар панелі мен 15.6 дюймдік мультимедиа планшеті көзге түседі. Үш аймақтық климат-бақылау жүйесіне ие темір тұлпардың салоны Nappa былғарысымен қапталған және панорамалық төбесі бар. Ортаңғы шынтақ тірегішке жолаушыларға арналған сенсорлы экран орнатылады. Тиісті жолақта қалу функциясына ие DiPilot бейімді круиз-бақылауы дербес басқарудың анағұрлым жоғары деңгейін орнатуға мүмкіндік береді.
Қытайда жазда сатылымға шығатын BYD Han-ның бағасы 25 мың доллардан басталады, бұл ең шағын Model 3-тен 10 мың долларға арзан.
Комментариев: 0