Пилотсыз «Вестаның» прототипі түсірілген видео Ғылыми автомотор институтының (ФГУП НАМИ) Instagram парақшасында жарияланды. Жинақ құрамында радар, лазерлі радарлар, бейнекамера мен жасанды интеллект жүйесі бар. Нейрожелі сыртқы жағдай, яғни қарсы беттегі көлік, жаяу жүргінші, жол таңбасы, жол белгісі, бағдаршам, т. б. туралы ақпарат жинап, оларды цифрлы картадағы мәліметпен салыстырады да, өз бетінше бағыт құрады. Қозғалысты жоспарлау алгоритмі машинаның А нүктесінен Б нүктесіне жүргізуші көмегінсіз маневр жасау, қатар ауыстыру арқылы жетуіне мүмкіндік береді.
Жетілдірілген автономды жүрістен бөлек, институт мамандары рөлінде адам отырған машина бастап жүретін колоннада автоматты қозғалуына арналған бағдарлама даярлауда. Ол қалааралық жүк көліктеріне арналған.
Пилотсыз «Веста» жасау инженерлердің қолынан келетініне күмән жоқ, алайда тұтынушылар бұл жетістікті бағалай алмайтын сияқты. Өйткені Renault-Nissan басшылары модельді әрі қарай жетілдіруден бас тартып, 2026 жылы оны өндірістен алуды жоспарлап отыр. Дегенмен институт мамандары автопилот әмбебап құрылғы екеніне және оны әртүрлі көлікке орнатуға болатынына сенімді.
Комментариев: 0