Қазақстан АвтоБизнес Қауымдастығы берген мәлімет бойынша экспортты қоса алғанда, елдегі ең танымал брендтер бестігіне мыналар енді:
- Chevrolet (34 360 данасы шыққан);
- Hyundai (33 223);
- Kia (13 384);
- JAC (6400);
- Lada (4877).
Халық жиі таңдайтын модельдер — Chevrolet Cobalt, Hyundai Tucson, Chevrolet Nexia.
Автоөндірушілер арасында «СарыарқаАвтоПром» үздік атанды. Қостанайдағы кәсіпорын 60 029 (+20 %) жеңіл машина мен жүк көлігін құрастырған. Алматыдағы Hyundai Trans Kazakhstan өндіріс көлемін 33 223 (+46.8 %) көлікке дейін арттырды. Семейде орналасқан СемАЗ 2117 коммерциялық техника шығарған. Көкшетаудағы «КАМАЗ Инжиниринг» 1117 жүк көлігін жасады, ал оңтүстік астанада орналасқан Hyundai Trans Auto 958 (+39 %) коммерциялық техника өндірді. QazTehna — 449, Daewoo Bus Kazakhstan 182 автобус құрастырды.
Ұлттық статистика бюросының есептеуінше 2022 жыл басталғалы Қазақстанда жасалған көлік құралдарының саны (99 246) былтырғымен салыстырғанда 24.9 %-ға көп. Ал олардың жалпы құны бір триллион теңгеден асады.
Комментариев: 0