Автоматты тежеу жүйесі баяу жұмыс істейді

Кейінгі жылдары автомобильдің қауіпсіздік технологиясы жақсы дамып келеді, бірақ Америка автомобилстер қауымдастығы (AAA) сынақ жүргізіп, олар мінсіз емес екенін дәлелдеді. Ұйым мамандары 2023 жылғы төрт танымал кроссовер — Hyundai Tucson Hybrid, Mazda CX-30, Lexus RX және Volkswagen Tiguan-ның автоматты тежеу жүйесін тексерді.

Сценарий бойынша сынақтан өтетін кроссовер бір қатарда тұрған көліктер арасынан шегінеді, сол сәтте жүргізушіге көрінбейтін тұстан басқа машина жақындап келеді. Өкінішке қарай, автоматты тежеу жүйесі сынақтың 65 %-ында ғана іске қосылды.

Электроника көлік артында тұрған баланы танып, тез тоқтау сынағында біршама жақсы нәтиже көрсетті. Жүйе мұндай сынақтың 75 %-ында жұмыс істеп, 50%-ында көлік соғылған жоқ.

ААА мамандары сынақ нәтижесін қорытындылай келе, жүргізушілерге автомобильдің қауіпсіздік жүйесі мінсіз емес екенін және үнемі апаттың алдын ала алмайтынын тағы бір рет ескертті. Сондай-ақ ұйым артқа жүргенде баяу қозғалуды ұсынды, сонда сезгектер жақындап келе жатқан машинаны анықтай алады.