RCI News | Russian Car Industry парақшасы АВТОВАЗ автоматты беріліс қорабы мен толық жетек жүйесін дайындауға мөлшермен қанша қаржы жұмсайтынын хабарлады. Бұл туралы компания басшысы Максим Соколов ТАСС басылымына берген сұхбатында айтыпты.
«Заманауи машинаға қажет автоматты беріліс қорабы, толық жетек және жаңа мотор сияқты негізгі заттарды шығаруға болады, бірақ бұл тез шешілетін тапсырма емес, оған көп қаржы қажет», — деді Соколов. Оның айтуынша автомат қорап әзірлеуге шамамен 30 млрд рубль (516 млн доллар) кетеді. Жаңа механикалық беріліс қорабын жасауға тағы 10 млрд рубль (172 млн доллар) керек. Ал толық жетек жүйесін дайындау үшін 20 млрд рубль (344 млн доллар) жұмсауға тура келеді.
Экономикалық жағдай қазіргідей болып тұрған кезде Ресей автоөндірісінде импорт өнімді алмастыратын жабдық қашан шығатынын талқылаудың еш жөні жоқ. Қазір Lada көліктері тек бес сатылы механикамен шығып жатыр, санкцияға байланысты АВТОВАЗ Жапонияның Jatco вариаторы мен Германияның ZF компаниясы шығарған робот қораптан айырылып қалды.
Комментариев: 0