Шенділер азаматтарға жеке автомобиль мен мотоциклден бас тартып, велосипед, электросамокат секілді экологиялық таза көлікке ауысқаны үшін белгілі мөлшерде ақша төлейді. Жаңа жеке көлік сатып алу үшін берілетін қайтарымсыз несие түріндегі қаржы бір жарым-үш мың фунт стерлинг мөлшерінде болады (880 мыңнан 1 760 000 теңгеге дейін).
«Болашақ көлігі» мемлекеттік бағдарламасы алғаш болып Ковентри қаласында жүзеге асады. Өнеркәсіп жақсы дамыған бұл қалада ауаның ластану деңгейі айтарлықтай жоғары. Сынақ мерзімі биыл көктемде басталып, екі жылға созылады. Оған 2006 жылға дейін шығарылған, дизельді және бензин қозғалтқышы бар автомобиль иелері қатыса алады.
22 миллиард фунт стерлинг бөлінетін бағдарлама қала атмосферасын жақсартумен қатар жолдағы кептелісті азайтуды көздейді.
Айта кетейік, 2030 жылдан бастап Ұлыбританияда іштен жанатын қозғалтқышы бар автомобильдерді сатуға толық тыйым салынады.
Комментариев: 0