2023 жылға дейін сұйытылған мұнай газы жанармай құю бекетінде мынадай бағамен сатылады:
- Ақтөбе, Атырау, Маңғыстау облыстарында — 50–55 теңге;
- Шымкент қаласы, Шығыс Қазақстан, Жамбыл, Батыс Қазақстан, Қызылорда, Түркістан және Абай облыстарында — 60–65 теңге;
- Алматыда — 65 теңге;
- Нұр-Сұлтан қаласы, Ақмола, Алматы, Қостанай, Қарағанды, Павлодар, Солтүстік Қазақстан, Жетісу және Ұлытау облыстарында — 70–75 теңге.
Бұйрық жобасын әзірлеушілер қазіргі ереже 2022 жылы шілдеде аяқталатынын айтады.
«Сұйытылған газ нарығында еркін баға белгіленсе өнім құны күрт өсіп, қоғамда әлеуметтік шиеленіс туындау қаупі бар. Осыған байланысты жанармай құю бекетінде газды бөлшек сату бағасын реттеуді биыл жыл аяғына дейін ұзарту ұсынылды», — деді мекеме қызметкерлері.
Жақында Энергетика министрлігінің 92-бензин мен жазғы дизель бағасын шектейтін бұйрығының мерзімі ұзарады. Ал қысқы дизель мен АИ-95 бензині еркін бағамен сатылады.
Комментариев: 0