9 шілде күні Алматыдағы Төле би мен Сейфуллин көшелерінің қиылысына жақын маңда болған келеңсіз оқиғаға нүкте қойылды деуге болады. Автобус жүргізушісі мен самокатшы арасында болған дау қос тараптың татуласуымен аяқталды. Бұл жөнінде Tengrinews.kz порталына автопарк қызметкерлері хабарлады. Олардың айтуынша, жүргізушімен жанжалдасқан ер адам ісіне өкініп, өтемақы төлепті. Бірақ оның қанша ақша бергені белгісіз.
Естеріңізге сала кетейік, жанжал қоғамдық көлік пен электросамокаттың бір жолды бөлісе алмауынан туындаған еді. Самокатшыға автобустың оны жол шетіне қарай ығыстырғаны ұнамаған. Ашуға мінген ер адам аялдамада тоқтаған автобусқа кіріп, жүргізушіге жұдырық ала жүгірді. Ұрыс-керіс соңында самокатшыны Mitsubishi Pajero қағып кетті.
Комментариев: 0