Елорданың тәртіп сақшыларының қыркүйектің тоғызынан онына қараған түні 5 көлікті тонаған Ақмола облысының 28 жасар тумасын қылмыс үстінде қолға түсіргенін Астана қаласының ІІД баспасөз қызметі хабарлады. Күдікті қылмыстың ізі суымай ұсталды, оған қоса, жігіттің әрекеті көшеде тұрған бақылау камераларына түсіп қалған.
Тәртіп сақшылары ұсталған азаматтың ұялы телефонын тәркілеу барысында, онда әлгінің ұрлық әрекеті жазылған бейнежазбалардың барын анықтаған. Қазіргі таңда күдікті ІІД-нің уақытша ұстау изоляторында отыр. Полиция қызметкерлері тарапынан ҚР ҚК-нің 188-бабының 2-бөлігімен сотқа дейінгі тергеу шаралары жүргізілуде. Белгілі болғандай, қылмыскер бұрында «Тонау» бабы бойынша қылмыстық жауапкершілікке тартылған екен.
Комментариев: 0