Австралия нарығына жол талғамайтын Nissan Patrol шығады

Nissan-ның Австралиядағы бөлімі Patrol-дың Warrior деп аталатын жаңа модификациясын шығарды. Асфальт жоқ жерде жүретін, жоғары мүмкіндіктерге ие нұсқаны Premcar инжинирингтік компаниясы жасады. Бірақ көлікті Nissan-ның ресми дилерлері саудалайды. Warrior жетілген жүріс бөлігімен және өзгеше сырт пішінімен ерекшеленеді.

«Патрол» аспасында жаңа серіппе бар. 18 дюймдік дөңгелек дискісін 34.3 дюймдік Yokohama Geolander шинасымен қаптаған. Дөңгелек жолтабаны 40 мм кеңейді. Нәтижесінде клиренсі 50 мм ұлғайып, 323 миллиметр болды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Көліктің алдыңғы бампері жаңарып, нәтижесінде кіру бұрышы 40 градусқа жетті. Автомобильдің астында 2.5 мм болатын қорғаныш пластина тұр. Дөңгелек аркасын кеңейткіш пен шанақтағы қара түсті әр алуан элементтер бірден көзге түседі.

5.6 литрлік V8 ( 405 а. к. және 560 Нм) сақталған, бірақ оны газ шығаратын түтікпен толықтырған. Кіріктірілген клапанның арқасында дыбысты реттеуге болады.

Nissan Patrol Warrior қымбат жол талғамайтын көлік негізінде жасалған, сондықтан Австралиядағы ең қымбат «Патрол» болады. Бағасы — 101 160 доллардан басталады (шамамен 30.8 млн теңге).

2021 жылы Premcar ательесі Австралия нарығын жол талғамайтын «ниссанмен» толықтырған еді. Ол кезде Navara пикабының экстремал түрі шыққан. Pro-4X Warrior қазіргі Patrol сияқты жақсарған жүріс бөлігімен, бастырықпен және жол талғамайтын резеңкемен танымал.