Avatr Қытайдағы Model Y-дың жаңа бәсекелесін ұсынады

Changan компаниясы Huawei қолдауымен құрған Avatr бренді 07 индексті кроссовердің суреттерін жариялады. Онда сыртқы дизайны толық көрінеді, бірақ интерьер фотосы әлі жоқ. Жаңа модельдің кейбір техникалық сипаттамасы белгілі болды, бастапқы бағасы Қытайдағы Model Y-мен шамалас болмақ.

Avatr 07-нің сырт келбеті брендтің басқа модельдеріне ұқсайды. Кроссовер С тәрізді күндізгі жүріс шамы, көп деңгейлі оптика, айрықша дөңгелек аркалары және динамикалық сұлба алды. Артқы жарық техникасы Қытайдағы дизайнерлік трендтерге тән тұтас жарықдиодты жолақ түрінде жасалмаған. Көлік жасырын есік тұтқаларымен және 21 дюймдік дөңгелектермен жабдықталған.

1 / 7

• 
• 
• 
• 
• 
• 
• 

1 / 7

Өлшемдері — 4825×1980×1620 мм, дөңгелек базасы — 2940 мм. Автомобиль Model Y-дан сәл үлкен. Мотор гаммасы гибрид және таза электрлі күштік құрылымнан тұрады. Гибрид нұсқаның 156 ат күші бар 1.5 литрлік дәстүрлі моторы артқы осьтегі 314 ат күшін беретін қозғалтқышпен жұптасқан, толық жетекті нұсқаға 178 ат күшіне ие агрегат қосылады. Электрокар қозғалтқыштары қуаттырақ болады. Базалық 07 моделі 343 ат күші бар мотор алады, ал үздік модификация алдына жайғасқан қосымша мотормен (256 а.к.) жабдықталады.

Жүріс қоры туралы ақпарат әлі жоқ, бірақ бастапқы бағасы шамамен 250 мың юань (15.3 млн теңге) болатыны белгілі. Қытайда Tesla Model Y-дың бағасы 254 мың юаньнан басталады. Avatr 07 маусымың аяғында саудаға шығады.