Компания орта өлшемді 07 кроссовері салонының алғашқы суреттерін жариялады, оның саудасы биыл үшінші тоқсанда басталады. Әлеуметтік желіде Avatr 07-нің ерекше интерьер дизайнын ғарыш кемесіне ұқсатып жатқанымен, жалпы архитектурасы басқа модельдердің салонын еске салады.
Көліктің іші алдыңғы панельдің шетіндегі есік картасына өтетін ерекше үшбұрыш ендірмелерімен, контраст түсімен және контурлы жарығымен ерекшеленеді. Суреттерде физикалық түймелер көрінбейді, басқару ортадағы үлкен сенсорлы экран мен сегізбұрышты рөл шабағына шоғырланған.
Аспаптар панелі қымбатырақ Avatr-дағыдай алдыңғы әйнекке жақын және ортаға жайғасқан. Экран өлшемі туралы мәлімет әлі жоқ, бірақ үлкен болуы мүмкін. Кроссовер бүйіріндегі артқы көрініс камералары түсірген суретті көрсететін екі шағын экранмен жабдықталды. Тағы бір сенсорлы панель ірі шынтақ тірегішке орнатылған. Онымен орындықты, жылыту және желдету функциясын реттеуге болады. Суреттен есікке орнатылған үш динамикті де көруге болады, жалпы 25 динамик бар.
Электрлі және гибрид Avatr 07 артқы және толық жетекті нұсқада саудаланады. Күштік құрылымдардың қуаты 314-600 ат күшіне жетеді, жаңа кроссовердің бастапқы бағасы — 250 мың юань (шамамен 16 млн теңге).
Комментариев: 0