Autozam AZ-1 кей-кары Ferrari F40-тың шағын көшірмесіне айналды

Өте жалпақ бастырығымен танымал Liberty Walk ательесі ерекше жобасын таныстырды. Оған кезінде Mazda әзірлеген ескі Autozam AZ-1 кей-кары негіз болды. Тюнерлер көлікті бастырық, оптика және жаңа дөңгелек арқылы Ferrari F40-тың кішігірім көшірмесіне айналдырды. Тюнинг-киттің кейбір бөлігін қазір сатып алуға болады, бірақ өзгерту арзанға түспейді.

1 / 6

• 
• 
• 
• 
• 
• 

1 / 6

Жапониялық тюнерлер AZ-1 үшін жаңа шанақ жасады деуге болады. Бодикит жаңа капоттан, канарды бар жақсарған алдыңғы бамперден, арка кеңейткіш пен қуатты табалдырықтан тұрады. Купенің артын үлкен антиқанат және диффузормен өзгертті, есік панелінде F40-тағы NACA ауа өткізгіштері сияқты қатпарлар пайда болды.

Liberty Walk жаңа шанақ детальдары үшін 22 600 доллар (бояусыз, орнатусыз) сұрайды. Қосымша 14 300 долларға суретте көрсетілгендей алдыңғысы 16 дюймдік, артқысы 17 дюймдік әртүрлі өлшемді диск орнатуға болады.

Ателье «суперкарға» жаңа оптика орнатқан. Шамы италиялық купенікіне ұқсайды, ал артына домалақ шырақ қойған. LibertyмWalk жинақта оптика әзірге болмайтынын атап өтті. Газ шығару жүйесінің құны да айтылмады. Суреттен салондағы спорттық орындықтарды көруге болады, бірақ тюнерлер ол туралы ақпарат бермеді.

Mazda компаниясы Autozam AZ-1-ді 1990 жылдың бірінші жартысында шығарған. «Шағала қанаты» сияқты ашылатын есіктері бар шағын купе бес сатылы механикалық қораппен жұптасқан 63 ат күшін беретін (657 текше см) мотормен жүреді.