Сутекті көліктің энергия көзі ретінде пайдалану біз ойлағаннан ерте пайда болған. Сутекті қозғалтқышқа алғашқы патентті 1841 жылы Ұлыбритания алды. Араға 11 жыл салып ұқсас үлгіні Германияда құрастырды. 1933 жылы Норвегиядағы Norsk Hydro компаниясы жүк көліктерінің біріне сутек негізіндегі қозғалтқыш орнатып қайта шығарды.
1976 жылы Харьковтағы машина құрастырудағы қиындықтар институтының мамандары тәжірибе ретінде
Қазіргі сутекті машиналар электромобильмен бірдей, тек электр энергиясын сым арқылы сырттан емес, резервуардан алады. Газ отын элементтерінен өтіп, оттегімен араласып, электр энергиясын жасайды. Жану процесі болмайды, оның орнына бу ғана шығады. Жанармай ұяшықтарын өндіруге қымбат платина қолданатынын ескерсек, бұл схеманы шектеуші фактор ретінде қолданады. Бұған арнайы жанармай бекетінің инфрақұрылымының нашар дамығаны мен жанғыш затты сақтау және тасымалдау қаупін қосыңыз. «Гинденбург» апаты біраз адамның есінде болар.
Жоғарыда айтқандарды ескеріп, әлемдік автоконцерн мен дамыған елдердің билігі декарбонизация процесі қай бағытта жүретінін ақыры шешкен сияқты. Электромобиль өндірісінің еселеп артуы осыған дәлел болып отыр. Десе де бұл мәселе нақты шешілген жоқ. Әртүрлі сутекті күштік құрылым құрастыру және оларды жақсарту жұмыстары жалғасып жатыр.
Бірнеше күн бұрын аустриялық AVL инжинирингтік компаниясы 2 литрлік сутекті дәстүрлі қозғалтқыштың прототипін таныстырды. Мамандар оған турбоүрлем орнату арқылы жанармайдың толық жануына қол жеткізді. Минутына 6500 айналым жасағанда 410 ат күшін беретін агрегат қуаты сынақ кезінде 205 ат күшіне жетті, ал айналу моменті 368 Нм деп жазды Motor1.com.
Венгр Humda Lab зертханасымен бірлесіп жасаған AVL қозғалтқышы спорттық автомобильге арналған. Бірақ келешекте қызығушылар табылса, қарапайым машиналарға да орнатуы мүмкін.
Комментариев: 0