Аустралиядағы онлайн платформалардың бірі ерекше рестомодты сатады. Ол — 1974 жылы шығып, кейін қайта жөндеуден өткен Holden HQ Statesman. Аустралиядағы түрлі көрмеде көптеген марапатқа ие болған 1000 ат күші бар мотормен жүретін седанның аукциондағы бағасы алты орынды сомаға жетуі мүмкін.
Statesman маркасын Аустралияның Holden компаниясы құрған. Бренд 1971 жылдан бастап аса сәнді модельдерді саудалады, HQ седаны алғашқылардың бірі болды. Көліктің қазіргі иесі әрі рестомодты жасаған азамат бұл жобаны аустралиялық сәнді модельдің заманауи нұсқасын дайындау үшін қолға алғанын айтты, ол бұл автомобильге өмірінің бес жылын арнапты.
HQ Statesman шанағы өзінің танымал пішінін сақтап қалды, бірақ өзгерген шанақ панелі, жаңа капот, жарықдиодты оптика және басқа бампердің арқасында заманауи көрінеді. Рестомод Range Rover каталогында бар реңкке боялып, сол кезеңге сай хромнан арылды. Седанның алдыңғы жағында 20 дюймдік, артында 22 дюймдік дөңгелек дискісі тұр. Жүріс бөлігіндегі басты өзгеріс ретінде Wilwood тежеуіші мен толық тәуелсіз аспаны айтуға болады.
Жаңарған интерьерде цифрлы аспаптар панелі, электрлі әйнек көтергіш және төрт Scat Procar креслосы көзге түседі.
Стандарт күштік құрылымның орнын
Рестомод Аустралиядағы ең танымал автомобильдердің бірі. Сатушылар оның бағасына түрлі көрмедегі жеңісі ғана емес, арнаулы журналдар мұқабасындағы бейнесі де әсер ететінін айтты.
Комментариев: 0