Аустралияда көп жүрмеген Nissan Silvia S15 сатылды

Танымал онлайн-аукциондардың бірі өзгеше лот бойынша бәссауданы аяқтады. 2000-жылдардың басындағы жапон спорткарларын жақсы білетін жандар S15 индексті оң рөлді Nissan Silvia-ны бірден таниды, бірақ Аустралия нарығына арналған автомобиль 200SX индексімен шыққан.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

S15 Аустралияға 2000 жылдың аяғында барған. Автомобиль 2 литрлік SR20DET турбомоторымен жүретін Spec-S және Spec-R нұсқасында сатылды. Қозғалтқыш қуаты 250-ден 200 ат күшіне кеміген. Агрегат 6 сатылы механика қораппен жұмыс істейді.

Аустралиялық 200SX-тің салоны модель эмблемасы бар фирмалық рөлдің орнын басқан Skyline GT-T (R34) рөлімен ерекшеленеді. Сондай-ақ автомобильде жапониялық Silvia-да бар бірқатар опция болмайды, мысалы, машинада артқы терезе сүрткіш, автоматты климат-бақылау және электрлі реттелетін айна жоқ.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

S15 Аустралияда 2002 жылға дейін сатылды, осы аралықта небәрі 3879 дана 200SX өткен. Яғни, автомобиль сирек кездеседі.

Біз сөз етіп отырған Spec-S нұсқасындағы бұл автомобиль 2001 жылы шыққан. Содан бері бір адамның қолында тұр әрі көп жүрмеген. Екі есікті машинаның одометрі небәрі 4703 шақырымды көрсетіп тұр. Сатушы көлік сырты мен техникалық жағына тюнинг жасалмағанын айтты, бірақ қосымша динамигі бар жаңа аудиожүйе орнатыпты.

200SX 65 000 Аустралия долларына (44 мың АҚШ доллары) өтті.