Aurus-тың жаңа моделі жыл аяғына дейін шығады

Биыл қаңтарда Aurus шетелдік серіктестерінің көліктері арқылы топтаманы кеңейту туралы жоспарын жария еткен. РИА «Новости» Ресейдің Өнеркәсіп және сауда министрлігінің басшысы Денис Мантуров құрастыру орны мен уақыты туралы ақпарат бергенін хабарлады.

Компания жыл аяғына дейін серіктестерімен Санкт-Петербургтегі бұрынғы Toyota зауытында жаңа бизнес-класс топтамасын шығара бастайды. Мантуровтың айтуынша конвейерге төрт модель тұрады. Дегенмен нақты қайсысы екені әлі белгісіз.

Aurus серіктес болғысы келетін бренд туралы болжамдар бар. «Русский автомобиль» каналы Ресей брендінің логотипін Hongqi көліктері алатынын хабарлады.

Toyota Ресейдегі активтерін, Camry және RAV4 шыққан Шушарыдағы зауытты былтыр көктемде Ғылыми автомотор институтына (ФГУП НАМИ) берді. Жапониялық компанияның өндіріс орнын қайта сатып алу мүмкіндігі жоқ.