«Аурус» модельдерін Дубайда өндіре бастады

РФ Өнеркәсіп және сауда министрі Денис Мантуров ТАСС агенттігіне Дубайда көлік құрастыратын алаң жұмысын бастағанын хабарлады.

Біріккен араб Әмірлігіндегі мамандар құрастырған алғашқы модель — Senat седаны. Кейін қатарға жол талғамайтын Komendant қосылады. Бренд басшыларының жоспары бойынша Дубай логистикалық хабқа айналуы керек, автомобильдер дәл осы жерден Таяу Шығыстағы басқа елдерге жол тартады. Сонымен қатар мұнда клиенттер темір тұлпарына өз қалауына сай функция таңдай алу үшін Aurus өкілдігі ашылады.

Премиум брендтің серіктесі туралы ақпарат жоқ. Бірақ Aurus Motors-тың үштен бір бөлігі әмірлікте орналасқан Tawazun инвестициялық қорына тиесілі екені белгілі. Фирманың тағы бір бөлігін «Газпром» иеленеді деген де дерек бар. Ол НАМИ меншігіндегі акцияның 40 %-ын алуы мүмкін.

Шенді арабтар шығаратын Aurus Senat-та қандай өзгеріс болатынын ашып айтпады. Біраз уақыт бұрын санкция салдарынан компания 4.4 литрлік V8-ден бас тартып, Senat пен Komendant-қа Tank 500-дегі 3 литрлік V6-ны қояды деген болжам болған. Одан бөлек келер жылдың көктемінде Aurus Senat рестайлингтен өтуге тиіс.