Aurus жерлеуге арналған көлік шығарады деген сыбыс жақында расталды. Ресейлік БАҚ таратқан ақпаратқа сүйенсек, катафалк брендтің премиум көліктері жасалатын «Бірыңғай модульді платформа» жобасы бойынша құрастырылды.
«Сенат» седанына негізделген 00052 нөмірлі машинаның ұзындығы — 5.63 метр. Техникалық жағы мен дизайны «Сенатпен» бірдей, түсі қара. Дереккөз модельдің «Лафет» деп аталатынын айтқан, оның тарихи мәні бар. Дәстүр бойынша артиллериялық қарудың алдыңғы бөлігіне әскери басшылар мен саясаткерлердің денесі қойылған.
Осы орайда жарты ғасыр бұрын өмірден өткен әйгілі генерал, соғыста Францияның намысын қорғап қалған президент де Голльдің жерлеу рәсімі еске түседі. Халық даңқты басшыны қарапайым әскери автокөлікпен соңғы сапарға шығарып салған еді.
Комментариев: 0