Әуе лайнерімен аттас Geely минивэні саудаға шықты

Ұлыбритания астанасына арнап такси шығаратын LEVC Қытай нарығына арналған алғашқы минивэнінің бағасын жариялады. LEVC L380 (индекс Airbus A380-ді еске салады) төрт комплектацияда шығады, оның екеуі толық жетекті. Жаңа өнім бюджеттік модель емес, ол 379 900–479 900 юань (24.2–30.6 млн теңге) тұрады.

1 / 5

• 
• 
• 
• 
• 

1 / 5

LEVC L380-нің интерьерін көрсетті. Вэнде тек бөлек креслолар болады, базалық комплектацияларының біреуінде ғана төрт қатарлы кресло бар, ол сегіз адамға арналған. Ал басқалары алты орынды.

LEVC модель саудасын бастауға арналған іс-шарада интерьердің 3, 4, 5 және 7 адам сыятын түрлері болатынын айтты, бірақ олар қалай орналасатынын түсіндірген жоқ. Шамасы вэннің креслолары алынбалы болуы мүмкін, яғни, орын санын көлік иесі қалауынша өзгерте алады. Сондай-ақ екінші қатар орындығы артқы жолаушыға қарап бұрылады. Салон былғары және алькантарамен әрленген, онда дисплей көп.

1 / 6

• 
• 
• 
• 
• 
• 

1 / 6

Техникалық сипаттамасы белгілі. Бір моторлы LEVC L380 алдыңғы осьтегі 272 ат күшіне ие қозғалтқышпен жүреді. Толық жетекті түрленімінің артқы осінде соған ұқсас тағы бір мотор тұрады. Сыйымдылығы 100, 116 және 140 кВт⋅сағ үш түрлі батарея бар, ең үлкені екі моторлы вэнге ғана қойылады. Жүріс қоры — 675–819 километр, батареяның үздік нұсқасы 15 минутта 350 км-ге дейін қуат алады.

LEVC L380-ді алғашқы екі жылда Қытайда ғана сатады. Содан кейін компания минивэннің оң рөлді нұсқасын жасап, Ұлыбритания нарығына шығаруға ниетті. Әзірлеушілер вэнді EuroNCAP ұйымының краш-тестіне жіберуді жоспарлап отыр.