2023 жылдың қарашасында Audi TT-ның тарихы ресми түрде аяқталды. Брендтің Германиядағы бөлімшесі Instagram аккаунтында Венгриядағы зауыттың конвейерінде тұрған соңғы спорттық көліктің суретін жүктеді.
Суреттен көлік 10 қарашада жиналғанын көруге болады, алайда пост жақында шықты. Тарихы 1995 жылы басталған ТТ-ның түпнұсқа концептісі мен жолға шыққан ТТ-ның жалпы санын суреттен байқауға болады. Алдыңғы әйнектегі жапсырмаға қарасақ, соңғы модель 662 762-нші екен.
Компания ТТ моделінен бас тартатынын 2019 жылы айта бастады. Көлік төрт есікті лифтбек немесе электромобиль түрінде қайта жарық көруі мүмкін деген болжам болды, бірақ жақын болашақта атауын қайта пайдалану туралы шешім әлі жоқ. Биыл қарашаның басында «Ауди» Audi TT Roadster Final Edition сериясы шығатынын жариялады.
Комментариев: 0