Малибудегі дизайн-студия мамандары әзірлеген Audi Skysphere — өндірістен алыс концепт. Оның міндеті — жұртқа брендтің премиум мәртебесі мен қос есікті премиум көліктер сегментінің болашақта қалай дамитынын көрсету.
Автоөндіруші топтамасында Audi Skysphere-дің баламасы жоқ, болмайтын да сияқты, бірақ бұл машинаның жарық көруіне концерннің басқа маркасы ықпал етті. Бұл көлік Horch 853 кабриолетіне негізделген. Екеуінің де есігі артқа қарай ашылады.
Айрықша модельдің жарақталған массасы 1.8 тонна, алды жылжымалы болғандықтан, шанағының ұзындығы 4.94-тен 5.19 метрге дейін жетеді. «Қысқа» нұсқасы Sports режимінде қозғалуға арналған, ал монотонды режимде жүргізгенде Grand Touring қосылады. Бұл режимде 4-деңгейлі автопилот іске қосылып, басқару органдары алдыңғы панельдің артына жасырынады да, салон алға жылжиды. Нәтижесінде жүргізушінің басқа шаруамен айналысуына мүмкіндік туады.
Техникалық жағына келер болсақ, машинаның шассиі толық басқарылады, көлікке бейімді пневмоаспа мен 23 дюймдік дөңгелек орнатылады. Айтпақшы, Skysphere — электромобиль, ол 750 Нм момент беретін 630 ат күшіне ие электромотор арқылы қозғалады. Жүріс қоры 500 шақырымға жететін машина сыйымдылығы 80 киловатт-сағат батареядан қуат алады.
Audi Skysphere 13 тамызда Пеббл-бичте жұрт назарына ұсынылады. Онда дәл осындай айрықша машина болмайтындықтан, бұл модельге қызығатындардың көп болатыны анық.
Комментариев: 0