Audi қызметкер санын қысқарту арқылы қаржы мәселесін шешеді

Manager Magazin басылымының компаниядағы дереккөздері берген мәліметке сәйкес, Audi қызметкер санын жаппай қысқартуды жоспарлап отыр. Бұл қадам арқылы «Ауди» пайдаға тікелей әсер ететін өндіріс шығынын азайтқысы келеді. Мамандардың шамамен 15 %-ы жұмыссыз қалады.

Audi екінші дәрежелі қызметкерлерден құтылуды көздеп отыр. Яғни шара көлік құрастыратын қызметкерлерді қамтымайды, бірақ басқа лауазымдағылардың саны шамамен 2 мыңға азаяды. Бұл санатқа жаңа модель әзірлеуге қатысатын кейбір маман кіреді.

Жалпы алғанда Audi Германияда 4.5 мыңға жуық адамды жұмыстан шығарады. Компания Reuters агенттігіне директорлар кеңесі ұжым өкілдерімен келіссөз жүргізіп жатқанын хабарлады. Бренд шараның ауқымын нақтыламады.

Жаппай жұмыстан шығару компанияға шығынды азайтуға көмектесуі керек: үшінші тоқсанның қорытындысы бойынша Audi табысының 90 %-ын жоғалтты. Компания қыс аяғында жақсарту жұмыстары қымбатқа соғатын Брюссельдегі зауыттан бас тартуды жоспарлап отыр. Volkswagen де осы себептерге байланысты жұмысшы санын қысқартуға дайындалып жатыр, ал Nissan жақында 9 мың қызметкерді жұмыстан шығаратынын мәлімдеді.